O CONCELLO DE LOUSAME, en colaboración coa Vicepresidencia da Igualdade e do Benestar, a través do Consorcio Galego, vai poñer en marcha o Programa Xantar na Casa.

Consiste en proporcionar o xantar diario nas casas daquelas persoas que presenten dificultades para a elaboración das comidas.

Aportación da persoa usuaria: 1,82€ por cada comida.

Facilita-la permanencia no domicilio das persoas maiores proporcionando unha alimentación de calidade e nutritiva.
Evitar o deterioro da calidade de vida das persoas maiores por teren unha dieta inadecuada.
Previr situacións de risco no proceso de elaboración das comidas.
Facilitar un respiro ás familias e/ou coidadores e impulsar medidas de apoio.

Persoas maiores de 60 anos que teñan limitada a súa capacidade de autonomía persoal e vivan soas.
Persoas dependentes que carezan de apoio familiar e requiren de axuda para preparación de alimentos.
Persoas menores de 60 anos que se atopen en situación precaria.

INFORMACIÓN e SOLICITUDE: SERVIZOS SOCIAIS 981.820494

Xornadas Alimentación Saudable

Imaxes das charlas

As Xornadas de Alimentación Saudable, teñen unha boa acollida, cunha participación de 73 persoas repartidas por diferentes núcleos de Lousame:

PROXECTO
CONCELLO SAUDABLE

PROGRAMA DE PROMOCIÓN DA VIDA SEN TABACO,
ALCOHOL E OUTRAS DROGAS.

PROGRAMA DE PROMOCIÓN DA ACTIVIDADE FÍSICA

PROGRAMA DE PROMOCIÓN DA ALIMENTACIÓN SAUDABLE

PROGRAMA DE EDUCACIÓN PARA A SAÚDE

¿Qué é o Proxecto Concello Saudable? É un proxecto de promoción de estilos de vida saudable, que se desenvolve no Concello de Lousame, en colaboración coa Dirección Xeral de Saúde Pública e Consellería de Sanidade. Coa finalidade de fomentar programas de promoción da saúde, que impulsen a participación dos veciños e veciñas e promovan ambientes onde sexa máis fácil practicar comportamentos e estilos de vida saudable. ¿Cáles son os obxectivos que persigue? - A promoción da vida sen tabaco, alcol e outras drogas - A promociónda actividade física regular e saudable, evitando o sedentarismo en todas as idades. - A promoción dunha alimentación equilibrada. - A educación para a saúde de grupos específicos.

Mais información en :
http://www.concellodelousame.com/ServizosSociais.aspx