Nesta parroquia o máis destacable a visitar poden ser os cumes máis altos da Serra de A Muralla dende onde se poden ver excelentes panorámicas en calquera dirección. Asimesmo, certos tramos do río Beluso ou río de A Escabia, son moi apropiados para percorrer pola súa beira esquerda dende Burzó.
      Outro lugar interesante é O Castelo de Fruíme, que forma parte do Afloramento Granítico do Confurco, no que se atopan os restos do recinto castrexo coñecido coma Castelo de Fruíme ou Casas de Mouros.
      Para comer en Fruíme e tamén durmir temos a Casa do Xan, establecemento de turismo rural na aldea de Ardeleiros.Tamén podemos comer na aldea de Escabia, nos bares A Arrancadeira ou na Parrillada Miguel, sempre por encargo (ver Onde Comer).

Para chegar a Fruíme, pódese facer dende O Confurco ou ben dende Ponte Beluso pola estrada AC-1103, que conduce ata Comparada, pasando polas aldeas de Millón, Escabia, Burzó e Aldarís.

	Vista desde a Muralla	Vista de A Escabia	Vista de Ponte Beluso