No Concello dispoñemos dun Ténico de Emprego que leva a cabo as seguintes funcións:

1. Os técnicos locais de emprego configúranse como traballadores das entidades locais contratantes que teñen como misión principal colaborar na implantación das políticas activas de emprego relacionadas coa creación de actividade empresarial.
2. A colaboración na imploantación das políticas activas de emprego desenvolverase conxuntamente entre a entidade contratante e a Consellería de Asuntos Sociais, Emprego e Relacións Laborais, seguindo as directrices fixadas por esta, para o que os técnicos locais de emprego contratados:


1. Analizarán a evolución e repercusión das medidas activas de emprego na súa zona de actuación, facilitándolle información puntual a aquela.
2. Colaborarán co resto dos integrantes da rede, na procura da mellora da súa calidae, intercambiando coñecementos e experiencias, así como desenvolvendo actividades e proxectos conxuntos.


3. Os técnicos locais de emprego realizarán as seguintes funcións:


1. Prospección de recursos ociosos ou infrautilizados, de proxectos empresariais de promoción económica local e iniciativas innovadoras para a xeración de emprego no ámbito local, identificando novas actividaes económicas e posibles emprendedores.
2. Difusión e estímulo de potenciais oportunidades de creación de actividade entre os desempregados, promotores e emprendedores, así como institucións colaboradores, levando a cabo accións de sensibilización cara á promoción dunha maior conciencia empresarial como oportunidade de emprego.
3. Acompañamento técnico no inicio de proxectos empresariais para a súa consolidación en empresas xeradores de novos empregos, asesorando e informando sobre a viabilidade técnica, económica e financeira, e, en xeral, sobre os plans de lanzamento das empresas.
4. Apoio aos promotores das empresas, unha vez constituídas estas, acompañándoos tecnicamente durante as primeiras etapas de funcionamento, mediante a aplicación de técnicas de consultoría en xestión empresarial e asistencia nos procesos formativos adecuados para contribuír á boa marcha das empresas creadas.
5. Calquera outra que axude á implantación das políticas activas de emprego na súa zona de influencia.

Enlaces de Interés:

http://www.tecnicosempregogalicia.xunta.es/RedTecnicosEmprego/portal.aspx