O Concello de Lousame, a pesar de ser un dos máis extensos do entorno, é un dos menos coñecidos. É por eso que esta páxina web xurde como unha fiestra para abrir ó mundo as nosas paisaxes, as amplas panorámicas que temos dende os nosos montes, as aldeas e as paraxes naturais dos nosos ríos.
      Neste portal comezamos por acercar ó visitante a Lousame, con mapas, fotos e unha descrición da xeografía e a historia. Damos tamén a coñecer, a través duns explicativos textos e un sinfín de imaxes, todo o referente ó noso patrimonio cultural, histórico, natural; ós personaxes ilustres que viviron en Lousame, como o caso de Diego Antonio Cernadas de Castro “O Cura de Fruime”. Non nos esquecemos tampouco da relevancia que o Mosteiro de San Xusto de Toxosoutos tivo ó longo de boa parte da Idade Media ou, xa en épocas máis recentes, da importancia económica das numerosas fábricas de papel ou das Minas de San Fins. Asimesmo, incorporamos unha práctica guía turística a través das sete parroquias, incluíndo a ruta de sendeirismo dos ríos Vilacoba e San Xusto.
      Igualmente importante é a información de actividades do Concello á que pode acceder o internauta, ou a sinerxía que pretendemos establecer a través do “Contacte con Nós” ou do "Buzón de Suxerencias".
      A construcción desta páxina supón un gran reto para un concello de escasa poboación e hábitat rural e disperso. Presentamos un Lousame que está en plena transformación, mellorando as infraestructuras viarias, as de saneamento e incrementando a calidade de vida dos veciños coa construcción de espazos de ocio nas aldeas e levando a cabo máis actividade culturais e deportivas.
      Porque cremos firmemente que merece a pena coñecer o noso Concello, esperamos que esta nova porta que abrimos sexa un primeiro paso para o descubrimento deste recuncho entre dúas rías.