Banda Municipal de Lousame

INTERCAMBIO COA BANDA CIUDAD DE IRUN

A Banda Municipal de música de Lousame realizará unha viaxe a terras vascas entre os días 11 e 15 de agosto. Esta actividade enmarcase dentro do intercambio que se realiza este ano coa banda Ciudad de Irún, que devolverá a visita a Galicia na última semana do mes de agosto.

En Irún a Banda de Lousame realizará dous concertos os días 12 e 13 de agosto así como diversas actividades lúdicas e culturais acompañados pola Banda Ciudad de Irún, que está considerada como a banda máis antiga de España.

I HOMENAXE ÓS MUSICOS DA BANDA DE LOUSAME

Este domingo 1 de agosto ás 7 da tarde terá lugar en Lousame a I Homenaxe ós músicos da Banda de Lousame. O evento celebrarase na praza Teodomiro Hidalgo (Praza do Concello) do lugar de Portobravo e nel participarán ademáis da banda anfitriona as bandas de Vilalba e a Agrupación Musical da Guarda.

Dende a súa fundación no ano 1996 teñen pasado xa moitos músicos pola formación lousamiana, que este domingo quere rendir unha homenaxe a todos eles.

ACTUACIONS DO MES DE AGOSTO

Día 1: I Homenaxe ós músicos da Banda de Lousame. En Portobravo (Lousame) e coa participación das bandas de Vilalba e a Agrupación Musical da Guarda

Día 6: Festival de Bandas de Cee

Día 8: Actuación en Asados (Rianxo)

Días 11 a 15 de agosto: Viaxe a Irún, nun intercambio coa Banda Ciudad de Irún. Terán lugar 2 concertos da nosa banda na cidade vasca

Día 20: Actuación na Pobra da Caramiñal, dentro do programa das festas do Carme dos Pincheiros

Día 28: IV Encontro de Bandas Concello de Lousame (Homenaxe a Prudencio Romo) coas bandas de Ortigueira, Ciudad de Irún e Lousame

ENLACE Á FEDERACION GALEGA DE BANDAS DE MUSICA E CANLE EN YOUTUBE

ENLACE Á FEDERACION GALEGA DE BANDAS DE MUSICA POPULARES
CANLE DA BANDA DE LOUSAME EN YOUTUBE

Dende a seguinte dirección
http://www.fgbmp.net/index.php?id=375&no_cache=1&gl_companies_showcase[company_uid]=75
pódese enlazar á nosa páxina dentro da Federación galega de Bandas de Música populares. Alí poderedes atopar diversos contidos como noticias, fotos ou audios das pezas interpretadas por nós.

Xa se atopa en funcionamento a canle da Banda de Lousame en Youtube. Podese acceder a ela na dirección www.youtube.com/bandalousame
e podense ver alí todolos videos das actuacións dos ultimos anos, coma o concerto no Auditorio Maestro Padilla de Almería ou os Encontros de Bandas Concello de Lousame. Tamén estan disponibles as actuacions das bandas participantes nos Encontros de Bandas Concello de Lousame, coma a Banda de Rianxo ou a Agrupacion musical San Indalecio de Almería.

ASOCIACION CULTURAL PRUDENCIO ROMO

A Asociación Cultural Prudencio Romo creada en 2006 é a encargada da xestión da Banda de Música Municipal de Lousame e debe o seu nome a quen durante 12 anos foi director da banda, mestre de moitos dos músicos que hai nela e persoa moi querida en todo o Concello de Lousame pola súa labor musical. Se algunha persoa desexa facerse socio e axudar á Banda de Lousame pode facelo chamando ó telefono que figura nesta páxina ou no noso enderezo web. Enderezo web: banda@concellodelousame.com Telefono: 676 98 26 04

MATRICULA ESCOLA DE MUSICA

Está aberto o plazo para a matricula na Escola de Música do Concello de Lousame, que pode facerse chamando ao telefono da banda 676982604 ou no local de ensaio da banda, no Sanguiñal. As especialidades instrumentais impartidas son as de flauta, oboe, clarinete, saxo, trompa, vento metal e percusión.

NOVO DISCO DA BANDA DE LOUSAME

Xa está á venda o novo disco da Banda Municipal de Música de Lousame, gravado este pasado mes de agosto nos Estudios Mans da cidade da Coruña. O disco, que será presentado en breve, de xeito oficial coa celebración dun concerto, recolle diversos temas de diferentes estilos (pasodobles, bandas sonoras, obras orixinais para banda, musica galega, etc.).

Mediante este disco queremos facerlle unha homenaxe expresa a quen fora diretor da Banda de Lousame durante 12 anos e un dos músicos máis importantes de Galicia no ultimo medio século, Prudencio Romo.

O prezo do disco é de 10 euros e podese adquirir poñendose en contacto con nós a través do telefono ou do correo electrónico, así como nas diversas actuacións que realizamos e das que informamos nesta páxina ou no noso local de ensaio

Compoñentes

DIRECTOR: FERNANDO FROJAN CANLE

FLAUTAS:                   ELENA M. ABEIJON VILLAVERDE
                                   MARIA ROO TUBIO
                                   PATRICIA TUÑEZ GÓMEZ
                                   NURIA MOLEDO SOBRADO

O Director

FERNANDO FROJAN CANLE

Nacido na aldea de Ces, no propio Concello de Lousame inicia os seus estudios de trombón á idade de 17 anos na Escola de Música do Sanguiñal ( Lousame ) da man do mestre Prudencio Romo (membro fundador do grupo Os Tamara) continuando no Conservatorio de Ribeira e logo no Conservatorio Superior da Coruña onde obtén no ano 2009 o título de profesor superior de trombón

Durante este tempo recibe clases de Álvaro López, Carlos Badenes, Bernardo Méndez, Aníbal Sousa e Arturo Centelles e asiste a cursos de perfeccionamento con Rubén Prades, Ricardo Casero, Simeo Galduf, Alberto Urretxu, Carlos Abuín, Enrique Ferrando, John Etterbeek, Francisco Rosario, Unai Urretxu e outros.

Asiste a cursos de dirección de banda con Marcel van Bree, Jan Cober , e José Rafael Pascual Villaplana, de bombardino con José Luis Vázquez “Cote” e harmonía e improvisación de jazz con Kin García e José Somoza.

Colabora habitualmente con numerosas bandas de Galicia, entre elas a Banda Artística de Merza, coa cal participa en eventos coma o Certame internacional de Altea ou o Certame de bandas de música de Kerkrade ( Holanda). Colabora tamén coa Banda da Federación Galega de Bandas de música populares, coa Roberto Somoza Jazz Orquestra, coa Roberto Somoza Big Band, coa Jose Somoza Big Band, e a Big Band do COSMAC, coa cal graba un disco e participa no festival Iberojazz da Coruña dirixidos por Steve Brown e Walter White.

En Decembro de 2009 estrea como solista, no Auditorio Andrés Gaos da Coruña, acompañado pola Orquestra sinfónica do COSMAC e dirixida por Rogelio Groba, a obra para trombón e orquestra OperaS RotaS, do compositor Iván Armán.

Actualmente é profesor de vento metal na Escola de Música de Lousame, profesor de trombón, tuba e bombardino na Escola de Música de Outes e dirixe a Banda Municipal de Música de Lousame.

BANDA MUNICIPAL DE MUSICA DE LOUSAME

banda.concellodelousame.com
www.youtube.com/bandalousame

Inicios

A presentación da Banda Municipal de Lousame ten lugar o Día das Letras Galegas de 1996, logo de iniciarse as clases na Escola Municipal de Música en decembro de 1994 na escola do Sanguiñal. Esta banda recolle a tradición musical neste concello con bandas como a de Tállara, activa ata os anos 60. A primeira formación da banda conta con 25 músicos, dirixidos por Prudencio Romo, prestixioso músico noies e membro fundador do mítico grupo “Os Tamara”, que se amplian ata os 45 con que conta na actualidade.

Actividades

A Banda de Lousame participa en festas e romarías por toda Galicia así como nos festivais de Ordes, Brión, Cee, Triacastela (dentro do programa da Xunta de Galicia “Vai de Camiño 08”), Vilalba, Negreira, no IV Ciclo de Bandas de Rianxo, no Homenaxe ás Bandas Populares que se celebra nas festas do Apostolo de Santiago de Compostela ou na saída de bandas de Ortigueira. Asimesmo actúa tódolos anos na Semana Musical de Noia no mes de novembro. Durante o verán organiza o Encontro de Bandas Concello de Lousame (Homenaxe a Prudencio Romo) que se celebra no campo da festa de San Roquiño. Coincidindo coa homenaxe a Zernadas de Castro, cura de Fruime e gran precursor do galeguismo estrea a obra “Cautivo da Nosa Señora”, composta por Prudencio Romo. Ten participado en programas da TVG e nos festivais de Zarzuela da Sociedade Liceo de Noia. No ano 2004 actúa no Día Internacional da Familia en Santiago de Compostela e na presentación da ONG Familias Mundi, motivo polo que graba un CD co himno desta organización. Durante os anos 2007 e 2008 forma parte, xunto coas bandas de Brión e de Outes do Proxecto Musical Brilou, facendo concertos conxuntos das 3 bandas no Auditorio de Galicia e en Certames Internacionais en Ogíjares (Granada) e Figueira da Foz (Portugal). No ano 2009 actúa no Auditorio Municipal Mestro Padilla da cidade de Almería froito do intercambio coa banda de San Indalecio de La Cañada. No mes de agosto deste mesmo ano realiza a gravación do seu primeiro disco. Para o ano 2010 destaca, entre as actividades a realizar, un intercambio coa Banda de Música Ciudad de Irún (Euskadi).

Asociación Cultural Prudencio Romo

En xaneiro do ano 2006 crease a Asociacion Cultural Prudencio Romo, encargada dende ese momento da organización e xestion da banda así como da Escola de Música, que amplía o seu plantel de profesores e que abarca todalas especialidades instumentais dunha banda de musica. Iniciase así unha nova etapa máis ambiciosa e con proxectos de maior envergadura que seguirán incrementando a calidade desta banda. Dende outubro de 2006 está dirixida por Fernando Frojan Canle.